कैलाली। डोटीको आदर्श गाउँपालिकामा एकै घरका ४ जनाले सेती नदीमा हाम फालेको घटना सार्वजनिक भएको छ ।
आदर्श गाउँपालिका वडा नम्बर ४ बस्ने बमवहादुर बोहराकी श्रीमती, २ छोरा र १ छोरीले सेती नदीमा हाम फालेका जिल्ला प्रहरी कार्यालय डोटीका प्रहरी नावय उपरीक्षक लालबहादुर धामीले पुष्टि गरे ।
घटना श्रावण १ गते भएको भए पनि प्रहरीलाई ढिला गरी जानकारी आएको प्रहरी नायव उपरीक्षक धामीले जानकारी दिए ।
सेतीमा हाम फाल्नेमध्ये ६ बर्षीय सुनिल वोहरालाई सेतीनदीमा माछा मार्दै गरेका स्थानीय मानवहादुर विकले बचाएका थिए भने अन्य तीन जनाको अवस्था अज्ञात छ ।
उनीहरुको खोजी कार्य जारी रहेको प्रहरी नायव उपरीकक्षक धामीले बताए ।
नदीमा हाम फाल्नेमा बोहराकी २८ वर्षीया श्रीमती धौली , १२ वर्षीया छोरी राधिका, ८ वर्षीय सुरेन्द्र र ६ वर्षीय छोरा सुनिल बोहरा रहेका छन् ।
श्रीमतीले तीन छोराछोरीसहित सेतीमा हामफालेपछि घटनाको अनुसन्धान गर्न श्रीमान बमबहादुर बोहरालाइ नियन्त्रणमा लिएर सोधपुछ गरिरहेको प्रहरीले जनाएको छ ।
सत्यखबर ड्ट कम-satya khabar.com मा खबर छ
Post a Comment