हुम्ला । हुम्लाको हिल्सामा हेलिकोप्टरको पंखाले लागेर आज एक पर्यटकको मृत्यु भएको छ । मृत्यु हुने भारतीय नागरिक नगेन्द्र कुमार मेहेता रहेको प्रहरीले जानकारी दिएको छ ।अवतरण पछि चलिरहेको पंखाले उनलाई टाउकोमा लागेको हो । मनाङ् एयरलाइन्सको हेलिकोप्टरको पंखाले लागेको र उनको घटनास्थलमै मृत्यु भएको प्रहरीले जानकारी दिएको छ ।
हिल्सा क्षेत्र पर्यटकका लागि एक आकर्षक गन्तव्य हो । यहाँ पुग्ने जो को ही प्रकृतिमा रमाउँछन् र तस्बिर खिचाउन मग्न हुन्छन् । मृत्यु भएका ती भारतीय नागरिक पनि सेल्फि खिच्ने क्रममा हेलिकप्टरको पंखाले लागेर मृत्यु भएको प्रत्यक्षदर्शीले प्रहरीलाई जानकारी दिएका छन् ।हेर्नुस घटनास्थल हिल्साको दृश्यः
Post a Comment